"EUSKAL TRENBIDE SARE BERRIA: ETORKIZUN APUSTUA EUSKADIRENTZAT"

Sabino Arana Fundazioak gogoeta-jardunaldi bat antolatu du bihar osteguna, martxoak 29, Bilboko Sheraton hotelean, euskal "Y" egiteak dakartzan erronkei buruz eztabaidatzeko. Helburua, trenbide-azpiegitura berri horrek eskaintzen dituen abantailak eta aukerak aztertzea da, izan ere funtsezkotzat jotzen da gure Herriaren garapenerako eta Euskadi lurralde gisa egituratzen eta kohesionatzen lagunduko du.

Mintegiaren izenburua "Euskal trenbide-sare berria: etorkizun-apustua Euskadirentzat" da eta saio bitan garatuko da, goizean bata eta arratsaldean bestea.

Horrenbestez, goizean, 9:00 eta 12:00 bitartean eta sarrera libre, hurrengo hauek jardungo dute: Nuria López de Gereñu, Eusko Jaurlaritzako Garraio eta Herri Lan Saileko Sailburua; Andrés López Pita, Kataluniako Unibertsitate Politeknikoko Trenbideetako Katedraduna; eta Jon Azua, Enovatinglab, S.L.ko lehendakaria eta Eusko Jaurlaritzako lehendakariorde ohia, zeintzuek egitasmoaren funtsezko gaiak azalduko baitituzte eta, euskal trenbide-sare berria abian ipintzeari buruz entzuleek eta hedabideek egiten dizkieten galderei eta kezkei erantzungo baitiete.

Arratsaldean, 15:30 eta 18:30 bitartean, ateak itxita, euskal eta europar trenbide-sistema sakon ezagutzen dituzten hogeita hamar bat adituk zenbait konturen gainean gogoeta egin eta eztabaidatuko dute, hala nola: euskal "Y"k egiteak ekonomiari, ingurumenenari eta gizarteari ekarriko lizkiokeen eragozpenak edo onurak.